Belfast aintzira

Belfast aintzira (ingelesez: Belfast Lough, irlanderaz: Loch Lao edo Loch Laoigh eta Ulsterko eskozieraz Bilfawst Loch edo Craigfergus Loch) Ipar Irlandako ekialdean dagoen aintzira bat da, barrenean izena ematen dion Belfast hiriburua daukana. Iparraldeko ertza Antrimeko konderriari dagokio eta hegoaldekoa berriz Downeko konderriari.

Aintzira izena daraman arren, estuario bat da, itsasorako irtenbidea baitu. Iparraldeko ertzean daude hiri handienak, besteak beste, Carrickfergus eta Newtownabbey, hegoaldeko hirietan aipagarrienak Holywood eta Bangor dira.